secondary school memories (1)
Everyone tell me that I will miss school after I garduate, well I may miss the girls,our funny actions and SOME teachers but I will never miss the books and the stupid rules. anyways I’m going to write this in Arabic cause you know, it will lose it’s meaning in English.
اعلم1: اول فصل ،، اكثر فصل احباطا في الدراسة الثانوية بالنسبة لي على الاقل. صديقاتي كلهم راحوا تجاري وانا الوحيدة الي دخلت علمي، يعني اول يوووم كان مقرف جدا لاني ما اعرف احد ولا ادل مكان في المدرسة ، بنات صفنا همم ما حبيتهم في البداية خصوصا صديقتي العزيزة حاليا (الاميرة الصغيرة) ،، قعدت صوب وحده كانت رفيجتي في ثاني اعدادي (كركر). بعد فترة انتقلنا من صفنا الكبير الواسع في الطابق الثالث الى صف صندقة تحت معزوول عن المدرسة كامل بسبب وحده كانت تعاني من مشكلة في ظهرها وبعدين انتقلت من صفنا ،، المهم الكل يعرف الهوشات الي تصير بين علمي وادبي كانت صندقتنا صوب صف صندقة ادبي مع ان كانت مقرراتنا سهلة جدا بالنسبة للي بعدها لكنها كانت صعبة ومكثفة او غريبة بالنسبة لناس طالعين من دلاعة اعدادي ، واحنا منغمسين في دراسة الرياضيات والفيزياء أو نحل اختبار أو ماخذينا في حصص النشط (حصة وحدة وحاسدينا) كنا نسمع الادبي يغنووون ويصفقون ويطبلون على صفهم الصندقة ، احنا اهني نموت من القهر لانهم عندهم فراغ على طول و لان مو قادرين نحل او نركز. وطبعا البنات محبي الدراسة(علميوووو) كانوا ما يطلعون من الصف الا ومعاهم كتاب واهني يقوم الطناز علينا من قبل بنات الادبي. على طاري العلميو هم كانوا عباقرة ولكن،، كانوا دائما يقولون العبارات السلبية الي تخلي الواحد يشك في روحة مثل صعععععب ، برسب، خذت 8 ساعات وانا ادرس …الخ هذا الي خلاني اجيب معدل لا بأس به مع ان كان بمقدوري اجيب اكثر. الحصة الي كنت اكرها كره اليهد هي الفرنسي مع اني كنت متحمسة اني ادرس لغة جديدة ،، لكن المعلم هو الي يخليك تحب المادة او تكرهها. كانت كله حاطة علي انا ومجموعتي وتسمينا البراعم كان محلي صوب الطوفة عند الدريشة يعني تشوف الصفتين الي عند الباب و الوسطية لكن صفتنا ما تشوفها ،، كنت اذبح روحي ابي اقوووم لكن مافي فايدة وكانت كله تقول اني ما اشارك فأنقهرت وسويت لافته مكتوب فيها (نحن هنا) بعدها صار لنا صوت مسموع شوي بس ! صندقتنا كانت منعزلة عن المدرسة مثل ماقلت من شوي يعني لا جرس ينسمع فيها واذا نبي نروح الحمام ناخذ من 10 دقايق الى ربع ساعة مشي وفي الامتحان المنتصف المعلمات يتأخرون حتى نهاية الوقت او حتى ما يجون. لكن من مميزاته هي انه لما نفرق الطاولات نصير اقرب من بعض بدل ما نتباعد وبعد المعلمة تاخذ لها ثلث ساعة في الدرب على ما توصل وتطوف نص الحصة بس بعضهم يوقفون لنا عند الباب ولا ثانية يضيعون واذا طاح مطر نسمعه ونشوفه ونطلع راسنا من الدريشة ههع. هالفصل للحين ماتعرفت على الشلة الجميلة D: ولا عندي ربع.
عدت على خير 
.
that was not fun at all .. and I have never woke up this early in my life 
. I spent like 4hrs and a half looking at the wall.
